U arrestua për armëmbajtje pa leje pikërisht në vendin, emrit e të cilit e mban për mbiemër…
Kjo është ironia e parë e fatit me këngëtaren kontroverse dhe transgresive, Fjolla Morina, e cila tashmë ndodhet në qelitë e paraburgimit të komisariatit të Kukësit, pasi dje ju vunë prangat fiks mu në Morinë.
Policia kufitare në Morinë e arrestoi dje këngëtaren e njohur me mbiemrin Morina, pasi gjatë kontrollit në makinën e saj të reklamuar nga vetë ajo në rrjetet sociale si “dhuratë nga i dashuri”, iu zbuluan dy armë zjarri.
Njëra prej tyre ishte revolver tip ‘Zoraki’ me 23 fishekë, dhe tjetra një pistoletë tip “çakmak”, armë të cilat u kapën pikërisht teksa këngëtarja po tentonte që të futej në Shqipëri me autoveturën e saj luksoze tip ‘Audi Q7’.
Por ironia e dytë për këngëtaren Morina është edhe fakti se ajo gjithmonë ka reklamuar se ka qindra mijëra fansa dhe ndjekës në rrjetet sociale, por ajo që i ka ndodhur është sa qesharake aq edhe e trishtë…
Ndjekësit nga rrjetet sociale e kanë “masakruar” me komente fyese dhe tallëse këngëtaren Fjolla Morina, si dhe kanë shpërthyer në komente kritikuese ndaj veprimit të fundit të saj, që e çoi pas hekurave të burgut.
Komentuesit kanë vërshuar me komente negative, tallëse dhe poshtëruese për Fjollën.
Disa i thonë se do i duhet të përballet me ‘bishat’ e 313-ës, e të tjerë që do të kalbet në burg, e të tjerë, që e ka kërkuar vetë.
‘Nuk kalohet në shqipëri me pistoletë.’ ‘Cthot paraburgimi fjolla hahahah ,, do perballesh me bishat e 313-tes hahahaha’
‘Ishalla po ti japin do vite te mira aty brenda e spo korruprohen me lek. Ktu ze vend ajo shprehja “qysh e lypsh e gjetsh”. Sikur t kishin me u kap krejt tipat si puna jote do kishit shpetu sh njerz tjere qe jan normal. Eshte mbush vendi me kurva,barbona,drogagjinj,vrases. Copash u befshi o zot’.
‘I lumt qe kishte pistolet nuk ka vrare .Policia te kapi ato qe mbaj pistolet dhe boj vrasje Kjo esht goc bobe i lumt vec krime nuk ka bo’.
‘E hongre dhe ti’, ‘Vdeksh n burg’– shkruajnë të tjerët.
Policia gjeti në makinë tip “Audi” me të cilin po udhëtonin një pistoletë tip “Zoraki”, 23 fishekë luftarakë dhe një pistoletë tip “çakmak”.
Ende nuk dihet se përse këngëtarja po udhëtonte me armë zjarri me vete në makinë dhe se çfarë lidhje kishte me dy personat e tjerë të paidentifikuar.
/GazetaReforma.com/
