Kryeministri Edi Rama ka uruar Donald Trump, për fitoren e “Presidencialeve”.
“Urime për DonaldTrump në këtë fitore të jashtëzakonshme. Ishte një nder i vërtetë të punoja përkrah Presidentit të 46-të të Shteteve të Bashkuara për të forcuar lidhjen mes dy vendeve tona. Mezi pres privilegjin e madh të punoj me Presidentin e 47-të për të përmirësuar më tej partneritetin tonë për paqe, prosperitet dhe përparim të mëtejshëm”, shkruan Rama.
Ndërsa, Presidentja e Kosovës, Vjosa Osmani ka uruar Donald Trump për fitoren me anë të një postimi në rrjetin “X”.
Në emër të popullit të Republikës së Kosovës, i shpreh urimet tona të përzemërta DonaldTrump dhe JDVance për zgjedhjen e tyre si President dhe Zëvendës President i Shteteve të Bashkuara. SHBA mbetet partneri i palëkundur dhe aleati i domosdoshëm i Kosovës. Mezi pres të punoj me administratën e re për të thelluar më tej lidhjen tonë unike dhe aleancën strategjike. Zoti e bekoftë Amerikën, liderin e botës së lirë!”
