Milani është me të vërtetë “Djall”! Ekipi i Stefano Piolit vuan, gabon, por asnjëherë nuk zhgënjen në fund. Kuqezinjtë ia dolën të fitonin ndeshjen me Lacion në momentet e fundit të takimit kur Teo Hernandez vulosi me kokën 3 pikët e arta.
Milani nuk e dorëzon kreun dhe fiton në frymën e fundit ndaj Lazios në ‘San Siro’. Heroi e ka emrin Theo Hernandez që në shtesë shënoi golin e fitores 3-2 ndaj lacialëve që arritën për një moment të rikuperojnë disavantazhin e herët 2-0.
Fillimisht kuqezinjtë e filluan mjaft mirë sfidën me dy golat e Rebiç dhe Çalhanoglu në 17 minutat e para. Lacialët reagojnë me një penallti të Immobiles që e humb, por aty u ndodh Luis Alberto që shtyu topin drejt rrjetës.
Në pjesën e dytë Immobile shlyen gabimin duke shënuar golin e barazimit, teksa kur ndeshja ishte duke përfunduar në minutën e 2-të të shtesës Hernandez shfrytëzon një krosim nga këndi për të çuar topin me kokë drejt rrjetës.
Me këtë fitore Milan e mbyll vitin si ‘kampione dimri’ në Seria A duke lënë pas Interin që priste një ndalesë të kuqezinjve sot. Juventus nga ana tjetër ka përfunduar në vendin e gjashtë për këtë vit, pasi Roma e Sassuolo fituan sfidat e tyre respektive kurse vendin e 5-të e merr Napoli falë barazimit 1-1 me Torinon.
FT| MILAN-LACIO 3-2
Rebiç 10′, Çalhanoglu 15′ (p), Hernandez 90’+3/ L.Alberto 28′, Imobile 59′
FORMACIONET ZYRTARE:
MILAN (4-2-3-1): Donaruma; Kalabria, Kalulu, Romanjoli, Hernandez; Tonali, Krunic: Saelemaekers, Calhanoglu, Rebic; Leao. Trajner: Stefano Pioli.
LACIO (3-5-2): Reina; Patric, Luiz Felipe, Radu; Lacari, Milinkovic-Savic, Eskalante, Luis Alberto, Marusic; Korrea, Imobile. Trajner: Simone Inzagi./Gazetareforma.com/
