Kreu i PDIU-së Shpëtim Idrizi deklaroi se do të jetë në koalicion me Partinë Demokratike në zgjedhjet e 25 prillit. Mesditën e sotme Idrizi zhvilloi takim me kreun e PD në selinë blu ku firmosën dhe marrëveshjen. Idrizi më tej tha se PDIU-ja do jetë në gjendje të mbledhë mbi 40 apo 50 mijë vota për opozitën.
“Nuk është aleancë kundër PS, por kundër një njeriu të vetëm që tenton të kapë çdo pushtet që të jetë një sulltan. Shqiptarët po largohen, ne do ju japim një shpresë të madhe. Shqipëria ka nevojë për ndryshim. Kjo aleancë është kundër arrogancës së një njeriu të vetëm, që di vetëm të fyejë bashkëpatriotët, hesht si greku më i mirë për ligjin e luftës, hoqi çështjen çame nga axhenda e diskutimit. Është një aleancë kundër 1 njeriu të vetëm”,- tha ai.
Kujtojmë se sot më 24 prill është afati i fundit i partive politike për tu rregjistruar vetëm ose në koalicion në zgjedhjet e 25 Prillit.
Partia Socialiste deklaroi se do të ishte e vetme në zgjedhje duke mohuar kështu të gjitha mundësitë e bashkëpunimit.
Vëmendja më e madhe shkon në kampin opozitar. Pas dy vitesh që nuk janë më në parlament, këto do të jenë zgjedhjet e rikthimit.
Prej kohësh PD dhe PR kishin ngërç në raportet mes tyre, ndërsa mësohet se u zgjodh sot, në afatin e fundit të dhënë nga KQZ.
Mëngjesin e sotëm Kreu i PR, Fatmir Mediu, tha se kanë firmosur marrëveshjen me Bashën për të shkuar bashkë në zgjedhjet parlamentare.
