Në datën 17 janar, ditën kur ka vdekur Skënderbeu, pritet që në Tiranë të vijë presidenti i Turqisë Rexhep Tajip Erdohan. Një ditë përpara kësaj vizite, Erdogan ka vlerësuar marrëdhëniet me vendin tonë, teksa ka shtuar se në Shqipëri ekziston grushti shtetit nga organizata Fetullah Gylen, FETO. Kreu i shtetit turk përmendi edhe ndihmat që ka bërë Shqipëria në periudhën e krizave të paktën 3 vitet e fundit, nga tërmeti dhe pandemia.
Erdogan:
Organizata Terroriste e Fetullah Gylenit ekziston ende në Shqipëri. Po negociojmë me Shqipërinë që ata të ulin aktivitetin e FETO-s dhe të dorëzojnë anëtarët e saj në Turqi, fakti që një organizatë tradhtare që tentoi një grusht shteti në shtetin turk, ndërvepron në Shqipëri, një situatë e ngjashme mund të ndodhë edhe në Shqipëri. Turqia është pjesë e pandashme e Ballkanit, gjatë 2 dekadave kemi bërë shumë për vendosjen e marrëdhënieve me shtetet ballkanike, Shqipëria është në qendër të kësaj perspektive. Shqipëria është një mike dhe aleate e jona dhe ne e kemi mbështetur sigurinë dhe stabilitetin e Shqipërisë. Synimi ynë është që ta çojmë në 1 miliardë dollarë vëllimin e tregtisë dypalëshe. Turqia ka investuar në Shqipëri mbi 3,5 miliardë dollarë, përfshirë shërbimet kontraktuese. Në Shqipëri operojnë mbi 600 kompani turke, duke e bërë vendin tonë si investitorin më të madh në Shqipëri, ku përveç të tjerave janë punësuar mbi 15 mijë shqiptarë
