Mijëra fermerë kanë zbarkuar në qendër të Brukselit për të protestuar për kushtet e vështira që po hasin. Ato kanë shkakruar edhe incidente me policinë, pasi sot po mblidhen ministrat e Bujqësisë të 27 vendeve të BE-së.
Mediat e huaja raportojnë se rreth 300 traktorë janë vendosur në qendër të qytetit dhe rrugët më qendrore, Rue de la Loi, e cila është bllokuar.
Fermerët ngritën barrikada të bëra me pleh organik dhe goma. Më herët policia tentoi të bllokonte kalimin e fermerëve, duke lëshuar ujë me presion, por protestuesit me traktorët e tyre thyen parmakët dhe iu afruan pallatit, ku do të mblidhen ministrat e Bujqësisë.
Demonstrata e sotme në Bruksel përfshin sindikatat bujqësore nga Wallonia dhe Flanders (pjesët jugore dhe veriore të Belgjikës), si dhe fermerë nga Franca, Italia, Spanja, Gjermania dhe Luksemburgu.
