“Ndërkohë që ne po përballemi me temperatura të ulëta, përmbytje dhe erën e ftohtë, fëmijët e pasur të Instagramit as që i mendojnë të tilla probleme.”- kështu e ka nisur artikullin dedikuar “fëmijëve” të pasur të Instagramit e përditshmja britanike ‘Daily Mail’.
Më tej ajo ka paraqitur fotot e disa adoleshentëve nga vende të ndryshme të botës, për të cilët shkruan se fotografitë e tyre shkaktojnë zili në rrjet.
Në to pasqyrohet qartazi jeta e pasur dhe plotë shkëlqim mes luksit dhe pushimeve përrallore.
Mes makinave të shpejta dhe avionëve privat jeta e tyre është shumë larg jetës së njerëzve normal.
Ajo që na tërhoqi vëmendjen është se në morinë e kësaj liste gjendej edhe një shqiptar.
Tur Kasa shihet në foto teksa pozon në një makinë luksioze tip ‘Rolls Royce’ dhe mban në mënyrë të shkujdesur një shishe shampanjë.
Për publikun shqiptar ky emër është i panjohur, por nuk i paska shpëtuar vëmendjes së prestigjozes britanike.
