Këtë të premte ka nisur censi i popullisë në vendin tonë. Një pyetje e përfshirë në në formular është edhe përkatësia fetare. Biznesmeni dhe sipërmarrësi Gjergj Luca ka plotësuar sot të dhënat për Censin dhe nuk e ka kaluar pa nota sarkazme duke dhënë dhe një mesazh për shqiptarët. Teksa është ndalur tek pyetja për fetë ai shprehet se do të shkruajë shqiptar, pasi sipas tij i pëlqejnë të gjitha fetë. Ai iu sugjeroi të gjithëve të shkruajnë këtë përgjigje pasi sipas tij, ne jemi për kombin përpara e për atdheun, pastaj për fetë.
“Përshëndetje miq! Na ka ardhur kjo goca simpatike për të plotësuar të dhënat për censin dhe kemi mbetur tek fetë. Unë jam duke e pyetur se çfarë feje je por nuk më tregon. Më thotë kam ardhur unë me të pyet ty. Edhe këtu thotë feja myslimane, bektashi njësoj është, katolik, ortodoks. Po kjo çfarë është ungjillor. Unë nuk e di se çfarë është ungjillor por mesa mbaj mend unë pas turqve nuk na ka pushtuar ndonjë ushtri tjetër. Këto kanë kaluar shpejt nga 2, 3 vjet dhe nuk na kanë sjellë ndonjë fe. Unë jam nëna myslimane, baba katolik, gruaja ortodokse, një kalama e kam pagëzuar ortodoks, një tjetër më ka shkuar tek xhamia e lagjes këtu, po bëhet një e madhe, është future në themel. I pëlqejnë myslimantë. Unë iki falem në Kishë, shkoj dhe në xhami. Tani çfarë të shkruaj këtu? Mua të gjitha fetë më pëlqejnë. Jam duke e shkruajtur shqiptar. Dhe ju bëj thirrje miq, të gjithë këtu tek feja të shkruajmë shqiptarë ,se ne jemi për kombin përpara e për atdheun, pastaj për fetë.”, tha Luca./ CNA
