Christian Eriksen është në një gjendje të qëndrueshme dhe po qëndron për analiza të mëtejshme në spital. Lajmin e konfirmoi Federata Daneze e Futbollit në një deklaratë
Ish-mesfushori i Spurs, 29 vjeç, mori CPR pasi pësoi atak kardiak gjatë ndeshjes kundër Finlandës dje. Stafi mjekësor doli me shpejtësi në fushë për t’i dhënë trajtim urgjent asit të Inter pasi shokët e tij të ekipit formuan një mburojë mbrojtëse rreth tij.
Kapiteni i Danimarkës Simon Kjaer u vlerësua si një “hero” pasi vendosi Eriksen në pozicionin e rikuperimit ndërsa ishte pa ndjenja dhe i dha CPR mikut të tij para se të mbërrinin mjekët.
Eriksen u pa i vetëdijshëm dhe i ulur në një barelë ndërsa merrte oksigjen ndërsa u mor nga fusha menjëherë pas orës 18:00.
Është raportuar se ai ka pasur një video-cal me shokët e tij të skuadrës së Danimarkës dhe u kërkoi atyre që të luanin pjesën e mbetur të ndeshjes pasi ai ndihej më mirë.
Danimarka publikoi një përditësim mbi gjendjen e Eriksen të dielën në mëngjes në faqen e tyre në Tëitter.
“Këtë mëngjes kemi folur me Christian Erisken, i cili u ka dërguar përshëndetjet shokëve të tij të skuadrës. Gjendja e tij është e qëndrueshme, dhe ai vazhdon të shtrohet në spital për ekzaminim të mëtejshëm. Ekipi dhe stafi i ekipit kombëtar kanë ndihmuar dhe do të vazhdojë të jetë pranë njëri-tjetrit pas incidentit të djeshëm. Ne do të dëshironim të falënderonim të gjithë për përshëndetjet e përzemërta për Christian Eriksen nga tifozët, lojtarët, Familjet Mbretërore nga Danimarka dhe Anglia, shoqatat ndërkombëtare, klubi etj. Ne i inkurajojmë të gjithë të dërgojnë përshëndetjet e tyre në federatën daneze, ku do të sigurohemi që të gjitha të kalohen te Christian dhe familja e tij.”
