Fatbardh Kadilli ka dorëzuar ditën e sotme zyrtarisht kandidaturën për kryetar të Partisë demokratike. Në një prononcim për mediat Kadillli është shprehur se ai ndihet shumë më tepër superior përball kreurt aktual të PD-së Lulzim Basha.
Mes të tjerash Kadilli parashtroi disa nga virtytet e tij politike, duke shtuar se nuk ka për t’i tradhtuar kurrë demokratët. Ai ka thënë se është njeri që e mbanë fjalën dhe se do ti shërbejë Partisë Demokratike që të rritet dhe do punojë për ta bërë fituese.
“Është një moment i rëndësishëm për PD. Ka shumë ngarkesë, emocion të shumëfishtë, është moment kthese. Ndonëse është një garë asimetrike. Kryetari në detyrë, nuk del as nga zyra, dhe ka në dispozicion me mjetet që ishin menduar përballë kryeministrit Edi Rama. Përballë simetrisë morale, ndihem shume herë më superior para tij. Vij në këtë garë duke u ballafaquar me vlerat, pastërtia, integriteti politik, përvoja, zotësia për të mbajtur fjalën e dhënë, aftësia e demonstruar në 30 vite në PD për të qenë luajal me këtë parti. Jam njeri që e mbaj fjalën, kam kontribuar, nuk kam tradhtuar kurrë PD. Skam tradhtuar kurrë asnjë nga demokratët dhe s’do e bëjë. Për të ringritur PD, për ta bërë të hapur dhe fituese.”, tha Fatbardh Kadilli.
