Prej disa javësh, në bazë të lehtësimit të masave kundër Covid-19, qeveria ka vendosur rregulla të tjera për fundjavën, duke ia dedikuar atë dy kategorive të caktuara: të moshuarve dhe fëmijëve.
Për pensionistët liridalja ishte deri në orën 10:00, ndërsa prindërit dhe fëmijët nën 14 vjeç nga ora 11:00 paradite deri në 17:30 të pasdites, ndërkohë, sot në të gjithë vendin janë të mbyllura të gjitha aktivitetet.
Mes pamjeve të shumta që vijnë nga dalja e prindërve me fëmijët në kryeqytet, është edhe Linda Rama, bashkëshortja e Edi Ramës, e cila ka dalë shëtitje me të birin, Zahon.
Zaho i vogël shihet që ka hipur mbi një bunker, ndërsa Linda ndodhet pranë tij, së bashku me disa fëmijë të tjerë.
Zaho është djali i vogël i kryeministrit, pasi ai ka edhe një djalë më të madh Gregun, nga martesa e tij me aktoren Matilda Makoci, me të cilin duket se gëzon një raport shumë të mirë, teksa ka ndjekur rrugën e të atit, pikturën.
