Në ditën e sotme, sipas kursit zyrtar të Bankës së Shqipërisë, u konstatua që euro u këmbye me 123.87 duke sjell kështu rënien e tij me 0.08 lekë krahasuar me ditët e mëparshme. Që nga fillimi i muajit qershor deri më sot, kjo javë shënon rënia më e madhe javore e euros me 0.39 lekë.
Euro arriti para dy ditësh, në nivelin më të ulët që nga shkurti i vitit 2008 dhe duke tejkaluar nivelin e fillimit të qershorit prej 124.17 lekë, por Banka e Shqipërisë bëri ndërhyrje duke tërhequr më shumë se 100 milionë euro nga tregu dhe duke e çuar atë në vlerën prej 126.7 lekë.
Euro hyri sërish në trajektore rënëse pas përfundimit të ndërhyrjeve të bankës, duke bërë të qartë se oferta për të ishte e lartë në raport me kërkesën dhe qarkullimin e dobët të lekut.
Tashmë kjo monedhë ka shënuar rënien më të madhe vjetore që nga viti 2004, duke humbur 10 lekë në krahasim me fillimin e vitit.
Sipas Bankës së Shqipërisë, euro rekordin e vet e ka arritur në maj të vitit 2011 me 141.8 lekë ndërsa niveli minimal ka qënë 120.9 lekë në dhjetor të vitit 2007.
(Panorama)
