Prej 9 marsit Shqipëria ka qenë e bllokuar dhe me masa të rrepta me qëllim parandalimin e përhapjes së Covid-19, gjë e cila ka ulur si aksidentet, ashtu edhe kriminalitetin.
LEXO: Kufizimi i qarkullimit nga Covid-19 përgjysmoi aksidentet gjatë muajit mars
Ditën e sotme zëvendës ministri i Brendshëm, Julian Hodaj, u shpreh krenar që gjatë këtyre dy muajve ka pasur një numër të vogël aksidentesh dhe kriminaliteti po ashtu ishte minimizuar.
“Në lidhje me kriminalitetit dhe aksidentet vihet re një ulje drastike dhe kjo është e kuptueshme dhe për shkak të normave të izolimit”, u shpreh Hodaj në një intervistë televizive.
Mirëpo, kjo deklaratë duket se ka qenë “ogurzezë”, sepse pas kësaj deklarate janë regjistruar 4 persona të vdekur dhe 3 të tjerë janë vetëvrarë.
Kështu tre persona kanë vrarë veten ditën e sotme, një në Tiranë dhe dy në Elbasan.
LEXO: “E hëna e zezë” për vendin tonë: Gjendet i varur në pyll djali i biznesmenit
Sakaq, në fshatin Lalm të Lezhës pasditen e sotme u gjetën dy persona të vdekur, me plagë të shkaktuara nga armë zjarri.
Kol Murrani dhe Preng Simoni janë dy viktimat, teksa Policia ende nuk ka një pistë për vrasjen e tyre.
LEXO: Detaje të reja nga vrasja në Lezhë, trupat e pajetë u gjetën nga djali i njërit prej viktimave
Nga ana tjetër, në Durrës janë ekzekutuar me armë zjarri në zonën e Nishtullës dy vëllezër, Viktor dhe Besmir Haxhia.
Deri tani bëhet me dije se dy vëllezërit janë me origjinë nga Puka dhe prej kohësh jetojnë në lagjen nr.7 në Spitallë.
Policia ka shoqëruar 30 persona si dëshmitar të ngjarjes, teksa një nga pistat ku po hetohet për motivin e vrasjes së dy vëllezërve është ajo e dhënies së makinave me qira, biznes nën pronësinë e Besmirit.
LEXO: Ekzekutimi i 2 vëllezërve në Durrës: Policia shoqëron 30 persona, ja pistat ku po hetohet
Kjo është dita e parë e lehtësimit të masave nga qeveria të marra për parandalimin e koronavirusit dhe ka rezultuar tragjike.
