Një 16-vjeçare nga Bulqiza ka alarmuar familjen.
Dosja.al raporton se vajza me iniciale P.SH është larguar natën nga shtëpia.
Kjo është kthyer në një problem edhe për policinë, pasi i ati ka denoncuar të paktën 6 herë humbjen e së bijës.
Prindërit e të miturës janë shprehur për policinë se i tremben faktit se ajo mund të shfrytëzohet nga persona të tjerë.
“Ne e trajtojmë vajzën mjaft mirë, ashtu siç trajtojmë gjashtë fëmijët e tjerë. Por ajo largohet nga shtëpia tinëz, kryesisht natën. Nuk dimë ku vete, me kë rri, çfarë bën, ku ushqehet. Kemi frikë se po e trafikojnë apo e shfrytëzojnë për prostitucion. Disa ditë më parë është ndalur në doganën e Morinës, teksa udhëtonte drejt Kosovës. Nuk na thanë me kë po udhëtonte dhe pse tentoi të largohej nga Dibra”,-janë shprehur ata në polici.
Ndërsa, 16-vjeçarja është shprehur: “Unë largohem nga shtëpia sepse prindërit nuk më lejojnë të dal me shoqet e shokët. Nuk mund të rri e mbyllur në shtëpi. Kur largohem zakonisht qëndroj te shoqet e mia në Bulqizë, Peshkopi e Tiranë”.
Gjithashtu, adoleshentja është përjashtuar edhe nga shkolla për shkak të mungesave.
