Për shkak të motit të keq gjatë mbrëmjes së kaluar, çatia e spitalit të Pukës u dëmtua rëndë.
Si pasojë, pavionet e Patologjisë dhe Pediatrisë u nxorën jashtë funksionit.
Ditën e sotme është raportuar se edhe reparti i Kirurgjisë ka ndaluar shërbimin.
Sipas informacioneve, nuk ka pasur pacientë të shtruar në momentin e ngjarjes.
Aktualisht, spitali funksionon vetëm me shërbimin e urgjencës dhe atë ambulator.
Erërat e forta dhe reshjet e shiut kanë vështirësuar riparimin e çatisë, duke ndikuar në mbylljen e mëtejshme të repartit të Kirurgjisë.
Tani, të gjithë pacientët që kanë nevojë për ndërhyrje kirurgjikale do të dërgohen në spitalin e Shkodrës.
