Erërat e forta gjatë natës në qytetin e Lezhës kanë shkaktuar probleme, duke rrëzuar dy pemë të mëdha pranë oborrit të spitalit rajonal.
Pemët kanë rënë mbi një dyqan dhe disa automjete të parkuara, duke shkaktuar dëme materiale.
Forcat zjarrfikëse punuan për disa orë për të larguar pemët dhe për të rikthyer normalitetin.
Në fshatrat e Lezhës janë raportuar probleme me furnizimin me energji elektrike, ndërsa reshjet janë ndërprerë që prej mbrëmjes së kaluar.
Megjithatë, temperaturat kanë rënë ndjeshëm, duke shkaktuar ngrica, veçanërisht në zonat e Mirditës.
