Moti i keq ka shkaktuar probleme serioze kryesisht në veri të vendit.
Në orët e para të mëngjesit të sotëm, era e fortë ka përmbysur një kamionçinë në urën e Milotit.
Për fat të mirë, nuk ka pasur të lënduar, por qarkullimi ka qenë i bllokuar për disa minuta. Pas ndërhyrjes së policisë, qarkullimi ka vijuar normalisht.
Policia rrugore e Lezhës ka apeluar për kujdes të shtuar nga drejtuesit e mjeteve të transportit të mallrave, veçanërisht atyre me tenda.
