Gazetari Enkel Demi ka reaguar ashpër pas deklaratës së kryeministrit Rama, se do të vaksinohen fillimisht të moshuarit që janë personalitete të njohura. Një një postim në rrjetet sociale gazetari shkruan se për të plotësuar kriteret e vaksinimit duhet të jesh komunist, ndryshe nuk ka vaksinë. Demi thotë me ironi se nëna e tij, që është grua e moshuar, nuk ka qenë kurrë ish-sigurimse dhe nuk i plotëson kriteret e kryeministrit për t’u vaksinuar, prandaj ai i ka thënë sot të ngrohet në diell. Personat që kanë një të shkuar të errët gjatë kohës së diktaturës duhet të vaksinohen patjetër, që të rrijë djalli gjallë, shkruan Demi. Ndërsa të moshuarit e tjerë duhet të kënaqen nëse Zoti iu fal pak diell.
Reagimi i plotë:
Edi Rama foli dhe një herë për situatën: “Do vazhdojmë me një numër tjetër të moshuarish që janë personalitete që duhet t’i mbajmë sa më mirë dhe jo thjesht të kujtohemi, kur vdesin e të mbajmë fjalim…”. Unë kam nanën në shtëpi, grua zonjë, e moshuar, por nuk ka qenë kurrë komuniste, ish-sigurimse dhe me kriteret e kryeministrit të Shqipërisë asnjë herë në anën e duhur të historisë. Natyrisht, meqë nuk plotëson kriteret e këtilla i thashë sot të ngrohet në diell, sepse përfiton dy gjëra; e para, theket, e dyta, merr vitaminë D qelepir. Zeqiri Mero, nëse më në fund nuk i është dhjerë shpirti, ishte 100 vjeç, kur e përqafonte gjithë dashuri Rilindasi.
Sipas gazetarit Dashnor Kaloçi në vitin 1945 Zeqiri Mero ka zbatuar një radiogram urgjent të firmosur nga Enver Hoxha, me cilësinë e Komandantit të Pergjithshëm të Ushtrisë Nacional Çlirimtare. Ky radiogram aprovonte dënimin me vdekje të gjashtë personave, gjykuar nga një Këshill Gjyqësor Ushtarak i Divizionit të III-të, të Korparmatës së Dytë, të kryesuar nga Kryetari, Irakli Bozo (major) dhe prokuror, Ziqiri Mero, kapiten i parë.Zeqiri Mero është “personalitet” i padiskutueshëm që është vlerësuar me një dekoratë nga Rusia në vitin 2015, me motivacionin që ka qenë i angazhuar në formacionet partizane, në zona të ndryshme të vendit, duke luftuar kundër pushtuesve fashistë. Në nder të tij gjithashtu një rrugë në Korçë thërritet me këtë emër orgurzi. Si Zeqiriu Rilindja ka plot, të moshuar, por ish-prokurorë, ish-KQ-ista apo ish-sekretarë partie, si fjala vjen Spartak Braho dhe Gramoz Ruçi. Këta duhet me çdo kusht të vaksionohen që djalli të rrijë gjallë në shpinë të këtij vendit, kurse nana ime, nana e shumë e shumë të tjerëve duhet të kënaqen, nëse Zoti u fal pak diell, se shoshën e ka Rilindja.
Kryeministri Rama tha sot se vaksinën do e marrin me prioritet të moshuarit që janë personalitete, si për të larë duart që disa prej tyre i ka lënë në harresë. Për kryeministrin jeta ka rëndësi sipas stausit social, ndërsa të tjerët mund të vdesin.
