Mbrëmja e djeshme ishte një festë për të gjithë shqiptarët, pasi Kombëtarja u kualifikua në “Euro 2024”. Në ndeshjen me Moldavinë, kuqezinjtë arritën të merrnin atë çfarë iu duhej, 1 pikë për tu kualifikuar në europian.
Pas përfundmit të ndeshjes, djemtë e ekipit së bashku me trajnierin Sylvinho kanë vazhduar fetsën së bashku me tifozët shqiptarë që kishin udhëtuar drejt Moldavisë për të mbështetur ekipin e zemrës.
Me flamurin kuqezi në krah dhe me plis në kokë, Sylvinho ishte thjesht i papërmbajtshëm duke shpalosur të gjithë energjinë e tij pozitive.
Në përfundim të sfidës, ai tha se kjo ishte një ëndërr dhe se ishte krenar që është trajnier I Shqipërisë.
“Është një ëndërr, kjo është një ëndërr. Jam shumë i lumtur që u realizua, që po e përjetojë këtë ëndërr. Është nder të jem trajneri i Shqipërisë, e ndjej shumë pasionin e njerëzve”, u shpreh Sylvinho.
