Sulmuesi Paulo Dybala nuk mund të shkëputet nga Juventusi deri në verë e ardhshme nëse nuk ka një rinovim tjetêr të kontratës mes tyre. Kjo kontratë skadon në verën e vitit të ardhshëm dhe rinovimi ndahet nga rreth 3 milionë euro në sezon.
Oferta e fundit e Juventus është 10 milionë euro neto, plus 2 të tjerë në formë bonusesh, por ende nuk ka një përgjigje zyrtare nga vetë Dybala. Por për sa kohë nuk ka një përgjigje, nga Parisi vijnë lajme rreth të ardhmes së argjentinasit.
Mauricio Pochettino, i cili e kërkoi Dybala edhe kur ishte në krye të Totenham, ka udhëzuar drejtorin Leonardo të synojë Dybala në verën e ardhshme. Për momentin është bërë e ditur se PSG është gati të përmbushë kërkesën financiare të argjentinasit, i cili kërkon 15 milionë euro neto në sezon. Juventus ka kërkuar përgjigjen e fundit nga Dybala në fund të muajit shkurt dhe nëse vjen një ‘jo’, gjërat mund të lëvizin në favor te PSG.
Ndërkohë kujtojmë se ndërsa ndeshja përballë rivalit më të madh është afër, Juventusi nuk po përjeton një periudhë jo të mirë. Pas infektimit me Covid-19 të Alex Sandros, Cuadrado dhe De Ligt, bardhezinjtë tani duhet të merren me dëmtimet që detyruan McKennie dhe Dybala të largoheshin herët në ndeshjen kundër Sassuolos.
