Situata politike e krijuar në vend patjetër që është duke shkaktuar probleme të mëdha, sidomos tani që ndodhemi shumë afër qershorit, ku mendohet se negociatat do të çeleshin për futjen e Shqipërisë në BE.
Mirëpo Drejtoriesha për Ballkanin Perëndimor në Komisionin Evropian. Genoveva Ruiz ka bërë një postim të rëndësishëm në rrjetin e saj social, Twitter sa i përket kësaj çështjeje.
Ruiz ka thënë se e vetmja gjë që Bashkimi Evropian është duke pritur është që në vendin tonë të fillojë dialogu ndërpartiak në mënyrë konstruktive.
Sipas saj është shumë e rëndësishme për vendin që të përparojë me shpejtësi në zbatimin e rekomandimeve të ODIHR-it.
“Ndërkohë që BE pret që dialogu ndërpartiak të rifillojë në mënyrë konstruktive. Është shumë e rëndësishme për qeverinë që të përparojë me shpejtësi në zbatimin e rekomandimeve të ODIHR-it nën kompetencën e saj të drejtpërdrejtë. EUinAlbania”,- shkruan Ruiz.
