Ende nuk ka asnjë shenjë nga roja 33-vjeça Arjan Sala që ka mbetur i bllokuar prej më se 24 orësh në magazinën e “Casa Italia” që u përfshi nga flakët ditën e djeshme. Ndërkohë që familjarët presin të dëshpëruar jashtë ndërtesës, aty kanë mbërritur edhe forcat e ushtrisë për ndërhyrje të mëtejshme. Ka qenë zjarrfikësja që ka kërkuar ndihmë, ndërsa ushtria ka dërguar dy grupe për të bërë të mundur kontrollin e zjarrit e për të gjetur shefin e sigurisë.
Magazina u përfshi pasditen e djeshme nga flakët ndërsa dyshohet se shkak është bërë një shkëndijë elektrike. Shefi i sigurisë, 33-vjeçari Arjan Sala u fut Brenda ndërtesës për të nxjerrë kolegaët, ndërsa prej tij nuk ka asnjë shenjë.
Familjarët kanë bërë thirrje që të ndërhyjë për të të gjetur të afërmin e tyre, i cili është baba i një fëmije 2 vjeç.
Ndërkohë, temperatura në katin e nëndheshëm të godinës, e cila përdorej si magazinë, raportohet të ketë shkuar në qindar gradë Celsius. Zjarrfikësja ka ndërhyrë duke shembur disa mure në dhomat e nëndheshme në mënyrë që të largohet tymi e të bëhet ndërhyrja për të gjetur 33 vjeçarin. Shefi i zjarrfikëses deklaroi më herët që për shkak të temperaturave të larta rrezikohet shembja e konstruktit të ndërtesës.
