Autoritetet greke kanë arrestuar pesë emigrantë për zjarrin në Lesbos i cili shkatërroi kampin e refugjatëve Moria javën e kaluar.
Polica ka arrestuar pesë shtetas të rinj të huaj dhe një i gjashtë po kërkohet, tha Ministri i Mbrojtjes së Qytetarëve Michalis Chrisohoidis.Më shumë se 12 mijë emigrant kryesisht nga Afganistani, Afrika dhe Siria mbetën të pa strehë pasi kampi mori flakë dhe u dogj plotësisht.
Në një kamp të përkohshëm në zonën e Kara Tepe me 5,000 shtretër në dispozicion, vetëm rreth 1,000 njerëz ishin zhvendosur deri më tani ndërsa mijëra emigrantë të bllokuar refuzuan të lëviznin në një objekt të ri dhe kërkuan të largoheshin Ishulli i Lesbos.
Tani mijëra migrantë jetojnë dhe flenë në rrugë apo në një stol nëse mund ta gjejnë. Shumë prej tyre dëshirojnë të arrijnë në qytetin e Mytilene, me shpresën se kësaj here ata do të jenë në gjendje të udhëtojnë në për në vende të tjera. Vetëm disa qindra migrantë, anëtarë të grupeve të cenueshme, fluturuan nga ishulli.
Gjendja shëndetësore e disa prej tyre është rënduar për shkak të ekspozimit ndaj tymit. Në Moria strehoheshin rreth 13,000 persona, apo katër herë më shumë sesa kapaciteti zyrtar i kampit.
