Zjarri në fushën e mbetjeve në Vlorë vijon që prej mbrëmjes së djeshme, ndërsa tymi ka mbuluar të gjithë zonën. Një banor i zonës shprehet se kjo është një situatë problematike që i shqetëson prej vitesh.
Ai thekson se pastërtia është në nivele skandaloze dhe përballen çdo ditë me erën e rëndë të mbetjeve. Banori thekson se mbetjet janë hedhur pa asnjë plan, duke krijuar një situatë të vështirë për jetesën e atyre që banojnë në zonë.
“Ka që dje, tymi është i fortë, aroma e mbeturinave na bllokon frymëmarrjen. Kjo është një situatë që vazhdon prej vitesh. Mbetjet janë hedhur këtu dhe askush nuk po i merr masa. Tymi nuk është problemi i vetëm, është edhe ndotja që na përballet çdo ditë,” tha ai.
Ndërkohë, dyshohet se zjarri mund të ketë shpërthyer qëllimisht, duke shtuar shqetësimet për sigurinë dhe mjedisin në këtë fushë mbetjesh.
