Situata me zjarret në Majën e Rrunës, vazhdon që të jetë problematike. Komisioni i Mbrojtjes Civile ka bërë të ditur ditën e sotme se po ndërhyet edhe nga ajri me helikopter, për të bërë të mundur vënien në kontroll të flakëve.
Ndërsa në Tropojë, ka rënë zjarr në një zonë të mbrojtur. Po ashtu bëhet me dije se në fshati Dragobi dhe Cërrnicë, flakët janë shuar plotësisht. Ndërsa në bashkinë Has, kemi një vatër zjarri aktive në zonë pyjore afër lagjes Ahmataj fshati Nikoliq Nj.Ad Golaj. Mësohet se për izolimin e kësaj vatre zjarri janë angazhuar 10 punonjës të pyjores dhe 4 efektiv zjarrfikës të MZSH-së Has.
Njoftimi i policisë:
Njoftim i Komisionit te Mbrojtjes Civile dhe Emergjencave Prefektura Kukes.
Situata e zjarreve në Qarkun Kukës në orën 08:00 dt.18.08.2021.
Situata e zjarrit të rënë në Maja e Rrunës(Laku i Thive) Nj.Ad Malzi bashkia Kukës vazhdon të jetë problematike me gjithë punën e bërë nga forcat e angazhuara nga bashkia Kukës, forcat e DMR-së Kukës,si dhe nga ajri me Helikopter.
Sot nga bashkia janë angazhuar 10 forca të MZSH-së, 7 punonjës të pyjores dhe Nj.Ad Malzi, 8 nga komuniteti dhe 15 forca të DMR-së Kukës
Në bashkinë Tropojë:
Vatrat e zjarrit të rënë, një në zonë të mbrojtur fshati Dragobi Nj.Ad Margegaj dhe vatra e zjarrit në Cërrnicë Nj.Ad Llugaj janë shuar plotësisht.
Në bashkinë Has
Kemi një vatër zjarri aktive në zonë pyjore afër lagjes Ahmataj fshati Nikoliq Nj.Ad Golaj.
Për izolimin e kësaj vatre zjarri janë angazhuar 10 punonjës të pyjores dhe 4 efektiv zjarrfikës të MZSH-së Has.
