Një magazinë është përfshirë nga zjarri mbrëmjen e sotme në Tiranë dhe dyshohet se ka mbetur i bllokuar brenda një roje sigurie. Bëhet e ditur se ersoni që ka mbetur brenda është 33-vjeçari Arjan Sala. Familjarët e tij janë mbledhur pranë magazinës për të mësuar çka ndodhur me të afërmin e tyre, teksa reaportohet se më shumë se prej afro 5 orësh i riu nuk ka pasur kontakt me askën. Familjarët kanë thënë se ata e kanë telefonuar por nuk është përgjigjur. Shqiptarja.com ka publikuar foto të familjarëve të mbledhur afër magazinës, ndërsa xhaxhai i Salës ka thënë se i riu u fut brenda për të nxjerrë kolegët, ndërsa ka mbetur vetë i bllokuar. Policia nuk ka dhënë ende informacione për ngjarjen, ndërsa kreu i zjarrëfikëses, Shkëlqim Goxhaj e ka mohuar që të ketë mbetur njeri brenda.
Ambienti i përfshirë nga flakët ka qenë një magazinë e Casa Italia ku kishte rroba e materiale të ndryshme. Në vendngjarje kanë mbërritur forcat zjarrfikëse, ambulanca e policia e po ashtu edhe prokurori në prokurorinë e Tiranës, i cili po drejton grupin hetimor për te zbardhur shkaqet e zjarrit i cili ka vazhduar për një kohë të gjatë.. Nga informacionet paraprake dyshohet se shkak për rënien e zjarrit është bërë një shkëndijë elektrike.
