Një zjarr masiv përfshiu këtë pasdite tregun e rrobave të përdorura në Shkodër. Ngjarja ndodhi në lagjen Perash. Flakët në tregun e rrobave të përdorura në Shkodër kanë marrë përmasa të mëdha, ku raportohet se janë djegur 25 njësi tregtare dhe një banesë. Shumë banorë janë evakuuar nga banesat afër shtëpisë që ka marrë flakë në rrugën ‘Ndoc Mazi’.
Policia, me anë të një njoftimi për mediat bën me dije se zjarrfikësit janë në terren dhe po punohet për shuarjen e flakëve. Është kërkuar ndihmë nga Emergjencat Civile dhe raportohet se kanë mbërritur mjete nga Malësia e Madhe e Ulqini.
Njëkohësisht po hetohet edhe shkaku i rënies së zjarrit. Fatmirësisht dëmet janë vetëm materiale dhe nuk raportohet për persona të lënduar.
