Ditën e sotme se u njoftua se trajneri francez i Real Madridit, Zinedine Zidane është infektuar me Covid-19. Lajmi u njoftua nga vetë federata e Los Blancos pak para se trajneri të fliste në konferencën e tij të shtypit të së premtes përpara ndeshjes së La Liga Santander kundër Alaves, ku nuk do të marrë pjesë. Asistenti i tij David Bettoni do të marrë drejtimin në ndeshjen e Alaves dhe ndeshjet e ardhshme. Kthimi i Zidane te stoli i madrilenëve do të bazohet në mënyrën se si ai shërohet dhe në protokollet e LaLiga.
Por sikur të mos mjaftonte kjo, Real Madrid ka njoftuar se Federico Valverde do të mungojë në ndeshjen e radhës përballë Alaves. 22-vjeçari uruguaian ka pësuar një tërheqje muskulore dhe do të qëndrojë disa ditë pushim. 22-vjeçari i bashkohet kapitenit Sergio Ramos dhe Dani Carvajal, mungesa të konfirmuara. Mbrojtësi i djathtë është pranë rikuperimit dhe të hënën do të rikthehet në stërvitje me skuadrën.
Ndërkohë kujtojmë se Real Madridi nuk po kalon kohë të mira, kurse tani do të jetë edhe pa trajnerin e tyre në të paktën dy javët e ardhshme. Në ndeshjen e fundit madrilenët pësuan një humbje të “madhe” përballë një ekipi të kategorisë së tretë.
