Nga Agron Gjekmarkaj
Sufja, Udri dhe Zupi me një klik përjashtuan 170 e kusur veta nga Këshilli Kombëtar, i PD zyrtare i dëbuan nga hija e vulës si lakmitaret nga bahçja. Hajde qerratenj hajde. Nuk kishim dyshim për aftësitë.
U hakërryen, u përbetuan që o e qesim në selamet opozitarizëm o s’ka!
Tani u thonë njerëzve hajt sikter ikni njëherë meditoni, piquni, ngrihuni në lartësinë e Vulës dhe pastaj edhe bashkohemi. Tani për tani mendimi ndryshe nuk na duhet. Atë e dimë ne.
Të uruarit po u japim një mundësi demokratëve vikasin ! Partia e re me Liderin e ri historik në krye me kolonelët e saj Sufja, Zupi, Zuthi, Dupi, Tupi, Dokupi, Enkupi , Jakupi , Potuku, Kallupi do jetë edhe oksidentale edhe demokratike , edhe erdoganiste e fondamentaliste edhe pro amerikane, edhe vehabiste edhe laike, intelektuale e elitare po e po! Ja mbërrim edhe kësaj dite ku lavdia dhe shpresa vërshojnë si uji i Lanës oborreve të opozitës. Edi Rama po dridhet si qafir se i erdhi sosja. Po u bënë edhe pese a gjashtë mbledhje si kjo, tre fjalime te Sufes, Tupit, Dupit dhe Zupit vrima e miut do i duket hotel me pese yje. Ditë të zeza e presin. Këtu nuk kemi parasysh as këndimin e hymnit e as një nga fjalët e zjarrta ku thuhet qe beteja sapo u bitis. Serioziteti dhe ndershmëria , interesi publik dhe ai opozitar, dija e mira , e dashura dhe e bukura sot triumfuan mbi delenxhillëkun, dordomuzllëkun, batakçillëkun padijëllekun përçarjen dhe kapjen. Aferim more te uruar aferim, banaliteti dhe poshtërsia ju kalon anash pa ju lagur gjëkundi. Sot mund të mburreni i bashkuat demokratet.
Pamje apokaliptike: Përmbytet parku fotovoltaik i Karavastasë, stakohet centrali më i madh diellor në vend
Parku fotovoltaik i Karavastasë, vepra më e madhe gjeneruese e energjisë diellore në Shqipëri, është stakuar për shkak të përmbytjes...
