Qeveria sot po zhvillon një aktivitet ku tematika kryesore është zhdukja e shërbimit nëpër sportele dhe ofrimi i tyre online.
Kryeministri Rama ka dhënë detaje në lidhje me procesin, ku është shprehur se është tërësisht e panevojshme që të shpenzohen miliona euro, në letra dhe bojë, për certifikatat fizike.
Gjithashtu Rama rikujtoi se nga muaji tjetër nuk do të ketë më sportele fizike, dhe kjo gjë do të jetë e vështirë në fillim, por me kalimin e kohës nevoja do t’i bëjë njerëzit të mësojnë. “Për cilën arsye në botë, ministria e brendshme kanë shpenzuar 1.5 milionë certifikata fizike, të paktën prej 4 vitesh, nuk ka pasur më nevojë që të harxhohet një pikë boje, dhe letër që të printohen certifikatat.
Në 30 Prill nuk do të ketë më sportele, edhe pse në fillim do të ketë ngërçe, do të ketë njerëz që nuk do të dinë ku të aplikojnë, por nevoja do ti bëjë të mësojnë.
I kam kërkuar në një mbledhje përgatitore, ministrisë së brendshme që të marrë të gjithë printerat dhe letrat nga gjendja civile, pasi janë para qoftë për shtetin, qoftë për njerëzit.
Janë 7 milionë euro që janë kursyer vetëm për letra, është e padrejtë që njerëzve të vazhdohet tiu jepet certifikata letre, çdokush e merr certifikatën pa dalë fare nga shtëpia, mjafton të zgjasë dorën te tavolina dhe të marrë telefonin. Të gjitha janë këtu, ske pse të shkosh dhe atje të famëkeqja hipotekë”, u shpreh kryeministri Rama.
