Është zhdukur prej mëngjesit të sotëm në qytetin e Elbasanit një 40-vjeçar.Mësohet se i zhdukuri është Rrapush Çeça, banues në lagjen “Hekurudha”.
Denoncimin për zhdukjen e tij e ka bërë vëllai i tij i cili ka thënë se Çeçaj, ka dalë nga shtëpia mëngjesin e sotëm, me një automjet me targa AA 531 VS, dhe u ka thënë familjarëve se po shkonte të kryente disa ekzaminime në spital
Prej këtij momenti, familjarët e tij nuk kanë marrë më vesh gjë për të dhe i vëllai u detyrua të bënte dhe denoncimin në polici. Ky i fundit, para grupit hetimor ka rrëfyer se fillimisht Rrapushi kishte marrë fëmijët nga shkolla dhe se në mëngjes nuk ndihej mirë.
“Mori fëmijët nga shkolla. I solli në shtëpi, më pas mori makinën dhe u largua. Na tha se do të bënte ekzeminime në sptial dhe nuk dimë më gjë për të,”– shprehet ai.
Por edhe nga monitorimet në spitalin “Xhafer Kongoli”, ku dhe kishte deklaruar se ishte nisur Çeçaj, ka rezultuar se nuk është paraqitur për asnjë lloj ekzeminimi. Telefoni i Çeçajt rezulton i fikur, dhe gjithashtu nuk ka asnjë gjurmë të makinës me të cilën ai ka lëvizur. Efektivet kanë nisur menjëherë kërkimet.
