Mbledhja urgjente e KQZ pas dekretit të presidentit Meta, e cila u shty për në orën 14:00 mesa duket nuk ka shkuar edhe aq mirë. KQZ është ndarë në dy pjesë ku Denar Biba, anëtar I Komisionit Qendror të Zgjedhjeve ka thënë se dekreti i presidentit Meta për shfuqizimin e dekretit të mëparshëm është i pavlefshëm.
Ai u shpreh se ka presidenti ka një diskrecion të caktojë vetëm një datë brenda periudhës zgjedhore dhe jo të mos caktojë një datë zgjedhjes. Kjo pasi sot Shqipëria është pa një datë zgjedhjeh”, tha Biba, i cili kishte thërritur mbledhjen e KQZ bashkë me kolegun Bledar Skënderi.
Biba ka shtuar duke thënë se presidenti me vetëdije refuzon të zbatojë detyrimet kushtetuese. Akti i pavlefshëm nuk sjellë asnjë pasojë juridike. Ai konsiderohet që nuk ekziston. Ndaj edhe sipas tij KQZ ka detyrë të vijojë me organizimin e zgjedhjeve të 30 qershorit. KQZ ka detyrimin, jo të drejtën, të vazhdojë punën për të çuar shqiptarët që në 30 qershor të shkojnë të votojnë për të zgjedhur të tyre lokalë. Ka theksuar se e kanë ata si detyrim që t’ua mundësojnë shqiptarëve këtë gjë.
Ndërsa Kryetari i Komisionit Qendror të Zgjedhjeve, Klement Zguri, u largua nga mbledhja e KQZ, e thërritur nga dy anëtarët e saj Denar Biba dhe Bledar Skënderi.
Zguri shprehet:
“Kemi një dekret të Presidentit dhe kjo është një situata e pazakontë. Në perceptimin tim duket si një lloj sfide. Një dekret që çdekreton datën e zgjedhjeve përmes një dekreti, dhe nga ana tjetër një mbledhje e thërritur nga dy kolegët e mi, me një rend dite të përcaktuar. Ka një hierarki. Nuk më ka rastisur në 22 vite të vihet në diskutim një dekret i Presidentit”.
