Këtë të dielë francezët u janë drejtuar kutive të votimit, për raundin e parë të zgjedhjeve presidenciale.
Tashmë ka përfunduar rundi i parë i zgjedhjeve presidenciale në Francë, në ora 20:00. Vetëm një minute më pas u publikuan edhe rezultatet e projeksioneve të para për fituesit.
Presidenti aktual Emmanuel Macron i ka fituar zgjedhjet e raundit të parë me 28.1 për qind të votave, ndërkohë që kandidatja tjetër për presidente e krahut të djathtë Marine Le Pen ka marrë 23.3 për qind të votave, raporton France24.
Sipas këtij rezultati, Macron e Le Pen do të dalin edhe një herë në zgjedhje me 24 prill, për betejën përfundimtare. Mediat ndërkombëtarë sot kanë shkruarse kandidatja Marine Le Pen ishte duke lëkundur seriozisht gjasat e presidentit aktual Emmanuel Macron për t’u rizgjedhur. Mbetet për t’u parë në rundin e dytë nëse Macron do të arrijë ta ruajë epërsinë.
Presidenti Emmanuel Macron po kërkon të bëhet presidenti i parë në detyrë që fiton rizgjedhjen pas Zhak Shirak në 2002.
Sondazhet e opinionit publik parashikojnë se shefi i Elisezë pritet të jetë fitues i këtyre zgjedhjeve, edhe pse gara përballë Le Pen pritet të jetë e ngushtë. Kujtojmë që lufta në Ukrainë, menaxhimi i pandemisë ishin çështjet kryesore të fushatës elektorale që kanë udhëhequr votuesit francezë.
