Procesi i zgjedhjeve në Gjermani ka mbaruar, ndërkohë që kanë dalë edhe sondazhet e para. Sipas sondazheve dy partitë kryesore ajo e Angela Merkel, ku kandidon Armin Laschet ka dalë barazim sipas exit-polleve.
Sipas mediave Gjermane rezultatet e fundit të publikuara nga Exit-Pollet, janë më të ulëtat në historinë e kësaj partie. Ata thonë se kjo vjen për shkak të largimit të Angela Merkelit, ndërsa nga ana tjetër sekretari i përgjithshëm i partisë i ka cilësuar të hidhura rezultatet e publikuara.
Armin Laschet në një deklaratë për mediat ka pranuar se rezultatet nuk janë aspak të mira, në një konferencë për mediat. Ai ka shtuar se ishin të vetëdijshëm që gara do të ishte e ngushtë.
“Ne e dinim që gara do të ishte e ngushtë. Do të jetë një natë e gjatë. Të gjitha partitë duhet që t’i kalojnë ndasitë e tyre për të mirën e Gjermanisë”, është shprehur Laschet.
Kujtojmë se sipas exit-polleve të publikuara nga mediat gjermane deri më tani, Laschet i CDU-CSU kryeson me 25-26% të votave ndërkohë që partia socialdemokrate, SPD mbetet në kuotat e 25%. Surprizë në këto zgjedhje ëshët partia e ekstremit të djathtë AfD, e cila duket se do të sigurojë 11% të votave në shkallë kombëtare. Transmetuesi ARD raporton se mund të sigurojë 21% të të gjitha votave në ish -Gjermaninë Lindore, ku ka qenë prej kohësh më e forta.
