Ambasadorja amerikane Yuri Kim, zhvilloi sot një takim me ambasadorin e OSBE në Tiranë, Del Monaco. Përmes një postimi në twitter, ambasadorja Kim shkruan se mbështet zgjatjen e mandatit të organeve të vettingut.
Ajo shprehet se pati një marrëveshje që në përputhje me rekomandimet ONM (Operacioni Ndërkombëtar i Monitorimit), detyra e parlamentit është të miratojë reformën kushtetuese për të zgjatur mandatin e vetitngut. Ndër të tjera ambasadorja amerikane kërkon nga palët që të veprojnë sipas rekomandimeve të OSBE/ ODIHR.
“U takova me Ambasadorin e OSBE në Shqipëri Del Monaco sot për të diskutuar një sërë çështjesh.
Ramë dakord që, në përputhje me rekomandimin e ONM-së, Parlamenti duhet të miratojë reformën kushtetuese për të zgjatur mandatin e vetingut.
Gjithashtu jemi dakord që autoritetet dhe palët duhet të veprojnë sipas rekomandimeve të OSBE/ODIHR mbi zgjedhjet”- shkruan ambasadorja Kim.
Kujtojmë qeë ONM-ja nuk ka funksione ekzekutive që prekin rivlerësimin aktual të gjyqtarëve dhe prokurorëve në Shqipëri, çka kryhet nga organet vendore të Vetingut. Ardhja e ONM-së parashikohet në Nenin B të Aneksit të Kushtetutës së Shqipërisë, që parashikon skemën për të ashtuquajturin “Vlerësim Transitor i Kualifikimit”. Detyrat e vëzhguesve ndërkombëtarë janë disa, por një prej tyre ka të bëjë me “rekomandimet që i japin kuvendit lidhur me kualifikimin dhe përzgjedhjen e kandidatëve për pozicionin e anëtarit të komisionit., gjyqtarit të Kolegjit të apelimit dhe komisionerit Publik.”
