Këtë pasdite policia e shtetit me anë të një njoftimi për mediat ka deklaruar se është kryer njofton një operacion riatdhesimi për kthim vullnetar të shqiptarëve nga Franca.
Vetëm ditën e sotme janë riatdhesuar nga Metz, Francë, me charter, 110 shtetas shqiptarë që qëndronin në mënyrë të paligjshme në këtë vend. Ata janë kthyer në mënyrë vullnetare, pasi nuk kishim përfituar azil.
Ky operacion i policisë shqiptare u krye në bashkëpunim me Frontex-in dhe Zyrën Franceze për Emigracionin.
Në fund të njoftimit të tyre policia u kujton edhe njëherë qytetarëve shqiptarë që të mos shpenzojnë para për të kërkuar azil pasi shanset janë zero pasi Shqipëria është vend i sigurt.
Njoftimi i policisë
Rinas
Vijojnë operacionet e riatdhesimit dhe të kthimit vullnetar të shtetasve shqiptarë që kanë kërkuar azil në vendet e BE-së.
Mbasditen e somte, në Rinas, u riatdhesuan nga Metz, Francë, me charter, 110 shtetas shqiptarë, me qëndrim të paligjshëm në Francë dhe në zonën Schengen, të cilët u kthyen vullnetarisht.
Operacionet e riatdhesimit u realizuan në bashkëpunim me Frontex-in dhe Zyrën Franceze për Emigracionin.
Policia e Shtetit apelon për të gjithë shtetasit shqiptarë që ndodhen në një nga vendet e zonës Schengen, që të mos bëjnë asnjë përpjekje për të aplikuar për azil dhe të mos bëjnë asnjë shpenzim duke paguar ata që duan të përfitojnë duke i mashtruar se do t’u sigurojnë azil, pasi rezultati në të dyja rastet do të jetë negativ.
Shqipëria është një vend i sigurt dhe shanset për të marrë azil janë zero.
Policia e Shtetit, në bashkëpunim me homologët, do vijojë operacionet e riatdhesimit dhe do forcojë masat duke shtuar patrullimet në kufirin jeshil.
https://www.facebook.com/1502420603377639/posts/2810262839260069/?vh=e
