Vendi ynë është në situatën më kritike nga pandemia e Covid-19. Përhapja e koronavirusit dhe humbjet e jetëve janë në nivele alarmante. Mjekët i bëjnë thirrje qeverisë të marrë masa urgjente duke mbyllur shkollat, lokalet dhe transportin publik.
Shkurti ishte dhe muaji më i zi në gjithë historinë e deritanishme gati të Covid-19, duke shënuar gati 300 humbje jetësh dhe mijëra të infektuar.
Ndërsa në njërën anë janë infektimet rekord, në anën tjetër është mungesa momentale e vaksinave. Vendi ynë renditet ndër shtetet e fundit për procesin e vaksinimit, pasi deri më tani nuk është mundësuar as vaksinimi i mjekëve, të cilët janë në vijën e parë të luftës.
Gjithashtu pani i vaksinimit të qeverisë përfshihet në harkun kohor të 14 mujave, kohë mjaftueshme e gjatë e cila të bën të dyshosh dhe për verën e 2022.
Edhe pse daljet publike të kryeministrit dhe ministëve kanë qenë të shpeshta, asnjë deklartë nuk është për turizmin e kësaj vere 2021.
Deri më tani nuk është lajmëruar asnjë procedurë e re, apo paketë e dytë ekonomike për bizneset që mund të mbyllen ose që po hasin vështirësi
Edhe pse pandemia vazhdon të shkaktojë dëm ekonomik në shumë sektorë, operatorët e hoteleri-turizmit shprehen se një mbyllje e dytë do të ishte fatale për ta.
Pamundësia për të udhëtuar normalisht, si dhe pasiguria e frika për shëndetin, po i kundërvihen dëshirës dhe nevojës për të pushuar të shumë njerëzve.
Mes shifrave në rritje të infektimeve ditore dhe zërave të shtuar për një mbyllje tjetër apo ashpërsimin e masave anti-covid askush nuk mund të parashikojë ecurinë e sezonit turistik të këtij viti, nga i cili varen të ardhurat e mijëra familjeve përgjatë bregdetit të Adriatikut.
