Presidenti i Ukrainës Vlodymir Zelensky ka mbajtur fjalën e tij në Samitin “Ukrainë-Europa Juglindore” në Tiranë, ku u shpreh shpresëdhënës për popullin e tij, duke theksuar se regjimi i Putinit të humbasë.
Ai ka përmendur dhe mikpritjen e Ramës dhe se tashmë Europa po fuqizohet.
“Falenderoj Ramën për mbështetjen tuja personale dhe kombëtare. Është hera e dytë që takohemi në një format të tillë, i pari në Athinë. Vlerësoj mikpritjen dhe mundësinë për të diskutuar si mund të fuqizojmë të gjithë Europën. Tani po përcaktohet rrugëtimi që do ndjekë Europa në brezat e ardhshëm.
Putini, gjithçka që ai bën është një përpjekje që diktatet e vjetra të vendosin se cfarë duhet të bëjnë kombet. E rëndësishme për shtetet tona të lira që regjimi i Putinit të humbasë.
Vizioni ynë për Europën bazohet tek parimi i dinjitetit. Nuk duhet të ketë Europë me dinjitete të ndryshme në të”, u shpreh presidenti i Ukrainës.
