Presidenti ukrainas Volodymyr Zelensky tha se tingulli i dronëve duhet të shërbejë si një “thirrje zgjimi për botën e lirë”. Ky koment vjen pasi Irani nisi një sulm me dron dhe raketa në shkallë të gjerë në Izrael.
“Ne në Ukrainë e dimë shumë mirë tmerrin e sulmeve të ngjashme nga Rusia”, e cila përdor “të njëjtat taktika të sulmeve masive ajrore”, tha Zelensky në një postim në mediat sociale.
“Ky tingull duhet të shërbejë si një thirrje zgjimi për botën e lirë, duke demonstruar se vetëm uniteti dhe vendosmëria jonë mund të shpëtojë jetë dhe të parandalojë përhapjen e terrorit në mbarë botën,” tha ai.
Zelensky vazhdoi duke thënë se veprimet e Iranit “kërcënojnë të gjithë rajonin dhe botën, ashtu si veprimet e Rusisë kërcënojnë një konflikt më të madh” dhe se “bashkëpunimi i dukshëm midis dy regjimeve në përhapjen e terrorit duhet të përballet me një përgjigje të vendosur dhe të bashkuar nga bota. Është kritike që Kongresi i Shteteve të Bashkuara të marrë vendimet e nevojshme për të forcuar aleatët e Amerikës në këtë kohë kritike”, shtoi ai.
