Presidenti i Ukrainës Zelensky bëri thirrje që BE-ja të përdorë forma speciale dhe të bëjë Ukrainën pjesë të organizmës ndërkombëtare.
Gjatë ditës së sotme, presidenti ukrainas Volodymyr Zelenskiy kishte bërë një videomesazh në të cilën i bëri thirrje Bashkimit Evropian për anëtarësim urgjent në bllokun 27-anëtarësh të vendit sipas procedurave të veçanta.
Ndërkohë ka ardhur reagimi i parë nga Brukseli, i cili shprehet se kjo kërkesë do të vlerësohet për të pasur një pëgjigje të shpejtë ndaj Ukrainës, e cila po kalon ditët e saj më të vështira, mes bombardimeve dhe frikës.
Zyrtarët në Bruksel thanë se “kjo do të duhet të vlerësohet shumë shpejt nga këshilli dhe të merret vendimi nëse do të kërkohet një opinion urgjent nga Komisioni Evropian”.
“The Guardian” theksons se: Që Ukraina të bëhet një vend anëtar i BE-së, ajo do të kalojë një periudhë të para-anëtarësimit me kohëzgjatje të ndryshme, gjatë së cilës vendi kandidat përshtat institucionet, standardet dhe infrastrukturën e tij për t’i mundësuar asaj të përmbushë detyrimet si shtet anëtar.
Kujtojmë që Shqipëria, Maqedonia e Veriut, Mali i Zi, Serbia dhe Turqia janë aktualisht vende kandidate për t’u bërë pjesë e Bashkimit Europian.
Ndërkohë sot po zhvillohen bisedimet mes Rusisë dhe Ukrainës, dhe vendndodhja e takimit do të jetë në kufi me Bjellorusinë.
