Presidenti i Ukrainës, Volodymyr Zelensky, u takua sot në Romë me zëvendëspresidentin amerikan, J.D. Vance, në një takim që zgjati rreth 30 minuta dhe vjen pas përurimit të Papa Leonit XIV në Vatikan.
Burime nga zyra presidenciale ukrainase e përshkruan takimin si “pozitiv”, ndërsa theksuan se ai pasoi menjëherë vizitën e Zelenskyt në Selinë e Shenjtë.
Gjatë bisedës me Vance, fokusi kryesor ishte gjendja në frontin e luftës dhe pritshmëritë nga telefonata e parashikuar për nesër midis Donald Trump dhe Vladimir Putin.
Sipas një zyrtari të lartë ukrainas, të dy zyrtarët diskutuan mundësinë e vendosjes së sanksioneve të reja ndaj Rusisë në rast të mungesës së progresit, si dhe hapat e mundshëm drejt një armëpushimi.
Takimi shihet si pjesë e një përpjekjeje më të gjerë për koordinim diplomatik mes SHBA-së dhe Ukrainës në një moment kyç për zhvillimet në luftën me Rusinë.
