Shqiptarët vazhdojnë të jenë pjesë e kronikave për aktivitet të jashtëligjshëm në Britaninë e Madhe.
Së fundmi Autoritetet në Britani kanë zbuluar një ‘shtëpi bari’ pas hetimeve të kryera në disa zona. Oficerët zbuluan më shumë se 300 rrënjë kanabisi, dhe një person i quajtur Renald Pire që kujdesej për lëndën narkotike, u arrestua nga policia.
Pire ka rrëfyer për autoritetet se ishte i përfshirë në trafikun e drogës, në kohën kur ndodhej në një kamp emigrimi në Londër, ku edhe ishte takuar me një grup shqiptarësh. Ata i kishin dhënë 7,000 £ , ndërsa theksoi se duhet të shlyente edhe borxhin që kishte ndaj tyre.
Grupi kriminal kishte përshtatur ambientin për rritjen e kanabisit, gjithashtu policia theksoi se ky ishte operacioni më i madh që ishte zbuluar në luginën Sëansea.
Renald Pire, 35 vjeç, nga Loëer Ëern Road, Ystalyfera , Sëansea Valley, ishte deklaruar fajtor për prodhimin e kanabisit kur u paraqit në bankën e të akuzuarve për dënim.
Kujtojmë që një javë më parë kryeministri Edi Rama ishte në një vizitë zyrtare në Britaninë e Madhe, ku një ndër çështje e “nxehta” që u diskutua ishte edhe ajo e emigrantëve shqiptarë që përfshihen në prodhimin e lëndëve narkotike atje, ku rastet më të shpeshta janë ato që njihen si “shtëpi bari”.
