Zbulohen 3 prioritetet e ambasadores së SHBA në Shqipëri

Ambasadorja e SHBA në Tiranë Yuri Kim ka bërë me dije sot tre prioritetet e saj gjatë punës së saj në vendin tonë.

Nëpërmjet një statusi të publikuara nga Ambasada e SHBA në “Twitter”, Kim liston:

1. forcimi i marrëdhënieve të mbrojtjes mes dy vendeve,
2. rritje e tregtisë dhe investimeve si dhe
3. mbështetje për ngritjen e funksionimin e institucioneve demokratike.

Ajo ka shtuar se të 3-ja kërkojnë sundim të ligjit, transparencë dhe fund të korrupsionit, teksa ka theksuar se SHBA-ja ka si synim që në Shqipëri të mos ketë korrupsion, të ketë sundim të ligjit dhe transparencë.

“3 prioritetet e mia janë (1) forcimi i marrëdhënieve të mbrojtjes Flag of United States-Flag of Albania; (2) mbështetje për ngritjen & funksionimin e institucioneve demokratike; (3) rritja e tregtisë & investimeve Flag of United States-Flag of Albania. Të 3-ja kërkojnë sundim të ligjit, transparencë & fund të korrupsionit!”, ka deklaruar ambasadorja Kim.