Vrasja e ndodhur në fund të muajit prill në Memamiaj ku bashkëshorit vrau gruan ka tronditur jo pak opinionin publik, por sot na vjen edhe dëshmia e plotë e burrit që kreu krimin.
Skënder Hoxha, vraru Antoneta Hoxhën, pasi dyshonte se e tradhtonte me komshiun, S.H, mirëpo kjo është mohuar tërësisht nga ky i fundit.
Në dëshminë e siguruar nga Dosja.al, zbulohet plotësisht dëshmia e ngjarjes makabre të vrasjes së 53-vjeçares. Gjatë dëshmisë së tij ai thotë se e ka vrarë me gruan me bishtin e sëpatës gjatë kohës që ajo ishte duke fjetur gjumë.
Nga hetimet është zbuluar se vrasja ka ndodhur në orën 00:30 të datë 30 prill dhe arma që është përdorur ka qenë sëpatë.
Në raport shprehet qartë se viktima ka qenë e mbuluar me gjak, e veshur me rroba shtëpie, dhe me një litar gjaku të mpiksur në trup.
“Kohët e fundit, Skënder Hoxha, ka dyshuar se gruaja e tij kishte lidhje jashtë martesore me shtetasin S.H. Më datë 30 prill, ora 00:30, kur Antoneta ishte në gjumë, ai ka marrë sopatën që kishte jashtë shtëpisë tek drutë, ka shkuar në dhomën e gjumit ku po flinte Antoneta, dhe e ka goditur 2 herë në anën e majtë të kokës, sipër veshit, me myqën e sopatës. Ai ka parë që me dy goditjet e para, Antoneta nuk po vdiste dhe po i dilte gjak nga goja dhe veshi e po përpëlitej në krevat. Në këtë kohë e ka goditur edhe njëherë tjetër me myqën e sopatën mbrapa kokës. Pasi ka konstatuar se ajo ka vdekur, ka fshehur sopatën me të cilën e vrau tek një kazan me ujë, jashtë shtëpisë tek çezma.-thuhet në raport.
Skënder Hoxha ishte i bindur se bashkëshortja e tij e tradhtonte me S.H mirëpo ky i fundit në dëshminë e tij ka thënë se kjo nuk është e vërtetë.
“S.H., është pyetur si person që tregon rrethanat e hetimit. S.H sqaroi se nuk ka patur asnjë lloj marrëdhënie intime me shtetasen Antoneta Hoxha. Me familjen e shtetasit Skënder Hoxha dhe me bashkëshorten e tij, Antonetën ka patur thjesht marrëdhënie familjare, hyrje dalje te njëri-tjetri për shkak se janë bashkëfshatar. Sot, më 30 prill, rreth orës 06:00, ka qenë në gjumë dhe në këtë kohë ka dëgjuar të bërtitura grash që vinin nga shtëpia e Skënder Hoxhës. Është ngritur dhe ka shkuar tek shtëpia e Skënderit, ku ka mësuar se Antoneta, bashkëshortja e Skënderit kishte vdekur. Më pas, aty ka mësuar se Skënderi e kishte vrarë me sopatë.”-thuhet në raportin e policisë.
