Mbrëmjen e së shtunës, në Fier dy të rinj që nuk kishin pasur autorizim për të lëvizur, i kanë bërë pritë makinës me të cilën po udhëtonte 23-vjeçari Xhoen Osmënaj i shoqëruar nga një mikeshë e tij.
Mes të rinjve ka nisur një konflikt i dhunshëm, derisa ndërhyri policia, duke identifikuar se në sherr ishte përfshirë efektivi Anxhelo Bardhi, i cili është pezulluar menjëherë nga detyra, teksa është arrestuar edhe shoku i tij Daniel Rista.
Ditën e sotme, në një njoftim për mediat, Policia bëri me dije se ka vënë në pranga efektivin Bardhi dhe shokun e tij, pasi akuzohen për veprat penale të “Kanosjes”, “Prishjes së qetësisë publike” dhe “Shkatërimit të pronës” kryer në bashkëpunim.
LEXO: Rrahën gazetarin në mes të qytetit, arrestohet polici dhe shoku i tij
Së fundmi, Shqiptarja.com raporton se shoku i efektivit, Daniel Rista, është vëllai i vajzës i cili ishte nën shoqërinë e gazetarit Xhoel Osmënaj, dhe pikërisht ky mendohet se ka qenë edhe shkak i sherrit.
Ka qenë Rista ai që ka goditur fillimisht Osmënajn, pasi ishte në makinë me motrën e tij dhe më pas ka ndërhyrë edhe Bardhi, ku sherri ka agravuar deri në përdorimin e sendeve të forta.
Siç shihet në videon e mëposhtme vajza është përpjekur për të shuar konfliktin, por ka qenë e pamundur, derisa në vendngjarje ka mbërritur një patrullë policie e cila ka shoqëruar në komisariat të rinjtë.
