Të tjera detaje kanë dalë në dritë nga krimi makabër që ndodhi orët e para të mëngjesit të sotëm në Durrës.
Burime për News 24 bëjnë me dije se autori i krimit, 45-vjeçari Lulzim Cuku, pas vrasjes së bashkëshortes u nis për t’u strehuar në Dibër, prej nga ku është edhe me origjinë.
Lulzim Cuku ka hipur në makinë dhe është nisur drejt Dibrës për t’i shpëtuar policisë. Mirëpo, duket se gjatë rrugës ai është penduar.
Menjëherë pasi ka kaluar Shkopetin, ka devijuar rrugën nga Skuraj në drejtim të Dibrës dhe është vetëdorëzuar në Komisariatin e Burrelit.
Përpara policisë autori i krimit Lulzim Cuku ka deklaruar se është penduar për atë që ka bërë. Ai ka thënë para uniformave blu se ka tentuar edhe vetëvrasjen.
Gjithashtu mësohet se Cuku e ka goditur gruan e tij tre herë me thikë.
