Një lajm i mirë për sportin shqiptar vjen nga Turqia. Xhudistja nga Kosova, Distria Krasniqi, fitoi medaljen e artë në kategorinë deri në 48 kilogramë, në “Antalya Grand Prix 2019”, që u mbajt sot.
Ishte trajneri i saj Driton Kuka që dha lajmin e gëzuar përmes një postimi në “Facebook”, ku shkroi ndër të tjera:
“Disi impresive në Grand Prix Antalya 2019. Medalja e artë. 700 pikë olimpike. Të gjitha fitoret me Ippon”.
Krasniqi është vetëm 23 vjeçe dhe ajo arriti t’i mposhte katër kundërshtaret me “Ippon” (gjuajtje direkte), në më pak se 5 minuta.
Ajo u përball me turken Gulkader Senturk, serben Andrea Stojadinov, koreanen Yujeong Kang dhe në finale me xhudisten nga Kazakistani, Otgontsetseg Galbadrakh.
Burimi:Iconstyle.al
