Shtetasi Bujar Sejdinaj, i njohur ndryshe si “Xhaxhai”, i cili akuzohet si përfaqësues i organizatës mafioze “Ndragheta”, do të ekstradohet drejt Italisë. Kështu vendosi ditën e sotme Gjykata e Krimeve të Rënda (GJKKO).
Sejdinaj u arrestua më 24 korrik në Tiranë në kuadër të operacionit “Magma 2020”, për llogari të autoriteteve italiane. Dibrani është nën akuzë në shtetin fqinjë për ‘pjesëmarrje në organizatë kriminale’ si dhe në ‘trafikim lëndësh narkotike’. Operacioni ishte njëkohësisht në disa vende, si në Costa Rika, Itali, Spanjë etj.
Sejdinaj “Xhaxhai” ishte përfaqësues i Ndraghetas në Shqipëri. Ai akuzohej gjithashtu për blerjen e 20 kg kokaine në Spanjë, për llogari të familjes mafioze”Belloco” pjesë e organizatës së Ndraghetës.
Ndërkohë Sejdinaj i ka mohuar të gjitha akuzat, duke deklaruar se me profesion është marangoz dhe se në Itali ka shkuar disa herë vetëm për çështje familjare.
