Presidenti i Serbisë, Aleksandër Vuçiç Serbia duhet t’i thotë botës të largohet nga Kosova sepse është vetëm e tyre. Në një intervistë për Euroneës Serbia, Vuçiç tha se është një mit që populli serb të mos zotërojë asnjë të drejtë në Kosovë. Ai deklaroi se pa në zgjidhje me kompromis, mund të vijnë konflikte që askujt nuk i duhen.
“Është se gjithçka është e lehtë dhe e thjeshtë dhe se ne duhet t’i themi botës që të largohen nga Kosova sepse është vetëm e jona. Nuk është e lehtë ta kombinosh atë me atë që është situata reale, por është gjithashtu një mit se Serbia dhe populli serb të mos gëzojnë asnjë të drejtë në Kosovë. Pa një zgjidhje kompromisi, kjo do të thotë që dikush mund të mbështesë konfliktin midis serbëve dhe shqiptarëve dhe kjo mund të çojë në katastrofë dhe konflikte që askujt nuk i duhen”, dekalroi Vuçiç
Kur u pyet se çfarë është një kompromis, Vuçiç tha se nuk do e thonte edhe sikur ta dinte, pasi një zgjidhje e tillë duhet të arrihet me dy palët që lëshojnë pe.
“Ne kemi nevojë për një mënyrë racionale, pragmatike për të zgjidhur atë problem. Duhet kohë për të krijuar besim midis Beogradit dhe Prishtinës”, tha Vuçiç. Pavarësisht deklarimeve për kompromis, Vuçiç megjithatë tha se “Kosova nuk do të marrë kurrë një ulëse në OKB”, bëjnë me dije mediat serbe.
Për takimin e ardhshëm më 29 korrik, Vuçiç tha se do të ketë një emërtim të ri për mini-shengenin.
“Në samitin e ardhshëm, ne do t’i japim një emër të ri kësaj nisme, ajo nuk do të jetë Mini-Schengen. Ne do të përpiqemi të prekim disa tema të reja më 29 korrik, luftën kundër katastrofave dhe tërmeteve”, citojnë mediat serbe Vuçiçin.
