Njeriu në foto ishte pronari 69- vjeçar i një hoteli në Santorini. Vrasësi 29-vjeçar shqiptar i hotelierit do të dërgohet në zyrën e prokurorit të Naxos nesër, të Premten.
I riu, i shoqëruar nga avokati i tij, Apostolos Lytras, do të hipë në anije në orën 12:15, në mënyrë që të dërgohet në gjykatë.
Sipas informacioneve në gazetën Protothema, mësohet se 20 vjeçari do të pretendojë se ai nuk kishte ndërmend të vriste hotelierin dhe se ai shkoi për të kërkuar 200 euro që i detyrohej nga punët e ndryshme që ai kishte bërë në hotelin e tij.
Protothema.gr sjell foto nga vendi i ngjarjes në hotel “Oia”.
Fotoja e parë tregon derën dhe shkallët ku 69-vjeçari ra dhe goditi kokën, si rezultat i së cilës ai humbi jetën, ndërsa në foton e dytë shihet gjak në mur.
Autori i krimit, 29 vjeçari shqiptar pas vdekjes së 69-vjeçarit, e tërhoqi atë zvarrë brenda dhe në gjendje shoku e goditi me një shkop pastaj e tërhoqi përsëri në një hapësirë të ngushtë ngjitur me recepsionin, e “lau” me vodka dhe i vuri flakën. Trupi i 69 vjeçarit u dogj deri në mëngjesin e vonë të së nesërmes.
/GazetaReforma.com/
